Эрүүл мэндийн яамнаас COVID-19 халдварын цаг үеийн нөхцөл байдлын тухай ээлжит мэдээллийг /2020.05.02/ хийлээ. Хэвлэлийн хуралд ХӨСҮТ-ийн захирал Д.Нямхүү, Эрүүл мэндийн яамны Тандалт, шуурхай удирдлагын хэлтсийн дарга Д.Нарангэрэл, ЭМЯ-ны Гадаад харилцааны хэлтсийн дарга Б.Янжмаа, ДЭМБ-ын мэргэжилтэн О.Ариунтуяа нарын албаны хүмүүс оролцов.ОХУ, Бразил улсад халдварын тархалт тасралтгүй, хурдтайгаар нэмэгдэж байна. Тухайлбал ОХУ-д сүүлийн 24 цагийн хугацаанд 7933 шинэ тохиолдол бүртгэгдэж халдвартай иргэдийн тоо 114431 болж, нас баралт 1169-т хүрчээ. Япон улсад бүртгэгдсэн нийт халдварын тоо 15 мянгад хүрч, нас баралт 485 болсон байна. Герман улсад сүүлийн 24 цагийн хугацаанд шинээр 1639 тохиолдол бүртгэгдэж нийт батлагдсан тохиолдол 160758 болов. БНСУ-д шинэ тохиолдол 6, нас баралт 2 бүртгэгджээ. Манай улсын хувьд сүүлийн 24 цагийн хугацаанд 276 хүн шинээр нэмэгдэж 1022 хүн ажиглалтад байна. ХӨСҮТ-ийн ерөнхий захирал Д.Нямхүү "Сүүлийн 24 цагийн хугацаанд ХӨСҮТ-ийн хоёр лаборатори, Дархан-Уул аймаг дахь нэг лабораторид нийт 350 шинжилгээ хийсэн. Үүнд Сөүлийн онгоцоор ирсэн 281 зорчигч багтсан. Сөүл чиглэлийн нислэгээр ирсэн иргэдийн нэгээс нь вирус илэрч хяналтад орлоо. ХӨСҮТ-д тусгаарлагдсан 25 хүний давтан шинжилгээ, тандалтын зорилгоор цуглуулсан 26 сорцонд шинжилгээ хийлээ. Франкфуртийн онгоцоор явах гэж байгаа нэг иргэнээс вирус илэрсэн. Дотооддоо вирус алдсан" тухай ташаа мэдээлэл тарааж олон нийтийг амраасангүй. Буруу мэдээ тараасан хүнийг олж илрүүлэх хэрэгтэй. Уг иргэнд эсрэг бие үүссэн. Энэ нь вирус хүний биед орж ирээд хөнгөн маягаар өвтгөөд тэмдэг үлдээгээд вирус үхэжсэн гэсэн үг. Бельги улсаас ирснээс хойш 50 гаруй хоносон иргэн. Шинж тэмдэг өөрт болон бусдад илрээгүй. Тиймээс тайван байж болно" гэв.

Д.Нямхүү: Сөүлийн онгоцоор ирсэн нэг иргэнээс COVID-19 илэрлээ