Засгийн газрын ээлжит хурал өнөөдөр 08:00 цагаас эхэлсэн бөгөөд хуралдаанаар цаг үеийн 11 асуудлыг хэлэлцэж байна.

Хуралдаанаар эхний ээлжинд сургалтын төвүүдийг нээх тогтоолыг баталсан байна. Ингэснээр өнөөдрөөс эхлэн 1088 сургалтын төв ЭМЯ-ны зөвлөмжийг үндэслэж үйл ажиллагаагаа явуулж эхэлнэ гэсэн үг. Гэхдээ сургалтад зөвхөн 16-аас дээш насны иргэдийг хамруулах аж. Мөн ЕБС-ийн төгсөх буюу 12-р ангийн сурагчдад сургууль бүр нь танхимын давтлага өгөхийг Боловсрол, соёл, шинжлэх ухаан, спортын сайд Ё.Баатарбилэгт даалгасан байна. Харин давтлагыг явуулахдаа нэг анги 10-аас хэтрэхгүй сурагчтай байх гэнэ.