Улсын хэмжээнд нийт  596 сургууль дээр давтлага хичээлийг зохион байгуулахаар бэлтгэл ажлыг хангасан бөгөөд нэг ангид 10-15 хүүхэд давтлага хичээлд хамрагдах юм байна. Хүүхдийн суудал хоорондын зайг 1.5 метр байлгах гэх зэргээр мэргэжлийн байгууллагаас гаргасан эрүүл ахуй, халдвар хамгааллын дэглэмийг сахина. Сурагчдын орох, гарах урсгалыг мөн тооцоолжээ. Түүнчлэн давтлага хичээлийг зохион байгуулах хуваарийг гаргаж, ерөнхий боловсролын сургуулиудад хүргүүлжээ. Иймээс хүүхдүүд хуваарилагдсан суудалдаа сууж, давтлага хичээлээ авах аж. Энэ онд 31 мянга орчим хүүхэд элсэлтийн ерөнхий шалгалт өгнө. Нэг хүүхэд дунджаар гурван хичээлээр шалгалт өгөх тооцоолол бий. Тиймээс гурваас дээш тооны хичээлээр шалгалт өгөх бол сонголтоор 3 хичээлийн давтлаганд суух боломжтой бөгөөд давтлага хичээлд сурагчдыг заавал хамрагдахыг шаардахгүй юм байна.