Өнөөдөр Аугаа их Эх орны дайны ялалтын баярын өдөр. Энэ өдөр ОХУ-д Ялалтын 75 жилийн ойг тэмдэглэж байна. Цар тахлын нөхцөл байдалтай холбоотойгоор энэ жил Улаан талбайд болдог ялалтын парад болохгүй. Харин агаарын парад, ёслолын буудлага болно.

Баярын арга хэмжээнүүдийг телевиз болон цахим ертөнцөөр шууд дамжуулна. Мөн өнөөдөр, Оросын Батлан хамгаалах яам агаарын парад болон баярын ёслолын буудлага зохион байгуулна. Агаарын парад Москвагийн цагаар 10.00 цаг /Улаанбаатарын цагаар 15.00 цаг/, ёслолын буудлага үдэш болох ажээ. Эдгээр арга хэмжээг Оросын телевизүүд шууд дамжуулна.