Элсэлтийн ерөнхий шалгалт үргэлжилж байна. Энэ жил 43 мянга гаруй хүүхэд бүртгүүлжээ. Тэд 49 шалгалтын төвд хуваагдаж шалгалтаа өгч байна. Одоогоор элсэлтийн ерөнхий шалгалттай холбоотой олон хүүхдийг хамарсан гомдол гараагүй гэдгийг салбарын сайд нь онцоллоо. Харин Боловсролын үнэлгээний төвд 10 хүүхэд гомдол гаргажээ. Тэдний долоо нь элсэлтийн ерөнхий шалгалтаасаа хоцорсон байна. Энэ удаагийн элсэлтийн ерөнхий шалгалтын онцлог нь хөгжлийн бэрхшээлтэй хүүхдүүдээс шалгалт авах орчинг нь бүрдүүлж өгчээ. Энэ талаар салбарын сайд Ц.Цогзолмаа хэлэхдээ "Нийт хөгжлийн бэрхшээлтэй 16 хүүхэд элсэлтийн шалгалтаа өгсөн. Түүнчлэн ял эдэлж байгаа долоон хүүхэд хянагчтайгаа хамт ирж шалгалтаа өглөө. Элсэлтийн ерөнхий шалгалт өнөөдөр дуусна. Долоо хоногийн дараа шалгалтын дүн гарна" гэх тайлбарыг өгч байна.