Эх үрсийн баяр болох гэж буйтай холбогдуулан МХЕГ-аас томоохон супермаркетуудаар худалдаалж буй хүүхдийн бэлгэнд хяналт шалгалт хийсэн байна. Шалгалтад “Номин тав трейд” ХХК-ийн “Номин Зунжин”, “Миний дэлгүүр” ХХК-ийн “Миний дэлгүүр”, “Моннидер” ХХК-ийн “Оргил Зунжин” супермаркетууд хамрагдсан байна. Хэдийгээр энэ үеэр бэлэгний орцод орсон бүтээгдэхүүн тус бүрийн гарал үүсэл, хадгалалтын хугацаа зэргээс харахад гарал үүсэл тодорхойгүй, хадгалалтын хугацаа дууссан зэрэг зөрчил илрээгүй байна. Гэхдээ хадгалах хугацаа нь ойртсон бараа бүтээгдэхүүнийг багцад нэлээдгүй оруулсан байжээ. Иймээс эцэг, эхчүүдэд үр хүүхдэдээ хүүхдийн бэлэг сонгохдоо хугацааг нь сайтар ажиглахыг анхаарууллаа.