Ерөнхийлөгч Х.Баттулга Үндэсний эрх чөлөө, тусгаар тогтнолоо сэргээн мандуулсны 108 жилийн ойг тохиолдуулан зарлиг гаргаж, ажил үйлсдээ амжилт гаргасан эрхмүүдэд ардын болон гавьяат цол олголоо. Ерөнхийлөгчийн зарлигаар Хавдар судлалын үндэсний төвийн захирал Ж.Чинбүрэнд хүний гавьяат эмч цол олгосон байна.

Ж.Чинбүрэн нь элэгний мэс заслын чиглэлээр дэлхийд тэргүүлдэг эмч бөгөөд Монгол Улсдаа элэг шилжүүлэн суулгах хагалгааг нэвтрүүлж, "Элэг бүтэн Монгол" хөтөлбөрийг хэрэгжүүлэхэд үнэтэй хувь нэмэр оруулж байгаа билээ. Түүний хөдөлмөрийг Монголын төр үнэлж,  Монгол Улсыг хавдрын өвчлөлгүй болгох цаашдын үйлсэд нь амжилт хүслэж, төр үнэллээ.