Сэлэнгэ аймгийн Онцгой комисс өчигдөр хуралдаж "Алтанбулаг” чөлөөт бүсийг тодорхойгүй хугацаагаар хаах шийдвэр гаргажээ. ОХУ-ын Буриад Улсын Хиагт районд коронавируст коронавирусийн халдвар гарсантай холбогдуулан ийнхүү шийдвэр гаргасан байна. 

Эргэн сануулахад өнгөрсөн Баасан гарагт Засгийн газар ээлжит бусаар хуралдаанаар цар тахлын халдвараас урьдчилан сэргийлэх, эрсдэлийг бууруулах зорилгоор Монгол Улс, ОХУ-ын хилийн Цагааннуур, Боршоо боомтыг 2020 оны 11 дүгээр сарын 2-ны өдрөөс 21 хоногийн хугацаагаар хаахаар шийдвэрлэсэн билээ.

Энэ нь хил залгаа бүс нутгуудад өвчлөл нэмэгдэж, цар тахлын хоёрдахь давалгааны улмаас олон орон хөл хориогоо чангатган, хилээ хаах, онц байдал тогтоох хүртэл арга хэмжээ авч байгаатай холбоотой юм.