Сонгинохайрхан дүүргийн IV хороонд өнгөрсөн шөнө согтуу жолооч албан үүргээ гүйцэтгэж байсан цагдаагийн алба хаагчийг мөргөж амь насыг нь хохироосон харамсалтай хэрэг гарлаа. Тодруулбал, өнгөрсөн шөнийн 00:00 цагийн орчим Их нарангийн зам дээр машиныхаа дугуйг солихоор тээшээ онгойлгон зогсож байсан цагдаагийн ажилтныг согтуу жолооч мөргөж, машинтай нь хавсарснаас газар дээрээ нас баржээ.

Талийгаач албан ажилтай явсан боловч хувийн машинаараа явж байжээ. Учир нь хороо хэсгийн байцаагч нарт албаны машин байдаггүй бөгөөд тэд хувийн машинаараа албан ажлаа гүйцэтгэдэг байна.

Уг хэргийг Сонгинохайрхан дүүргийг цагдаагийн газар шалгаж байна.