Арваннэгдүгээр сарын 16-ны өдөр буюу ирэх Даваа гаригт Монгол бахархлын өдрөөр бүх нийтээрээ амрах юм. Монгол бахархлын өдрийг 2012 оноос хойш бүх нийтийн амралтын өдөр болгон тэмдэглэж байгаа юм. Энэ жилийн хувьд арваннэгдүгээр сарын 16-нд 858 жилийн ойн өдөр тохиож байна. Энэ өдөр Монгол Улсын төрийн дээд шагнал, тэргүүн зэргийн одон “Чингис хаан” одонгоор шагнадаг билээ. Мөн улс, аймгийн алдар цолтой чансаа өндөр 128 бөхийн барилдаан болно.