Дэлхийн дээд амжилтыг бүртгэдэг “гиннесийн ном”-д хөөмийг оруулах зорилготой “түүхэн бахархалт өдөр” үйл ажиллагаа өчигдөр Ховд аймагт боллоо. Энэ үеэр 1308 хөөмийч нэгэн зэрэг хөөмийлж, дэлхийн дээд амжилт болох “гиннесийн ном”-д бүртгэгджээ. Уг үйл ажиллагаанд тус аймгийн ерөнхий боловсролын 25 сургууль, 15 цэцэрлэгийн хүүхдүүд , Ховд их сургууль, “ Хөгжил ” политехник коллежийн оюутнууд , Зэвсэгт хүчний 123 дугаар ангийн байлдагч нар болон ардын авьяастнууд, мэргэжлийн уран бүтээлчид оролцлоо.

Хамгийн залуу хөөмийч таван настай байсан бол ахмад нь 83 настай, улсын тэргүүний уран сайхан ч байжээ. Түүнчлэн Улаанбаатар хот, бусад аймгаас гадна тува, өвөрмонголоос хөөмийчид оролцсон байна. Монголын ардын урлагийн өвөрмөц нэгэн төрөл болох хөөмийг 2012 онд ЮНЕСКО-гоос хүн төрөлхтний биет бус соёлын өвд бүртгэсэн юм. Ташрамд дурдахад, монгол Улс 2014 онд 6016 монгол бөхийн барилдаан, 2013 онд 3000 морины уралдаан, 10 мянган морины жагсаалаар гиннесийн дээд амжилтад бүртгүүлж байсан билээ.