Коронавирусийн шалтгаант цар тахлын халдварын нөхцөл байдлын талаар Эрүүл мэндийн яам, Халдварт өвчин судлалын үндэсний төвөөс мэдээлэл хийлээ. Улсын хэмжээнд сүүлийн 24 цагт 10666 хүний шинжилгээний хариу гарч,  742 хүнээс коронавирусийн халдвар илэрчээ.

Сүүлийн 24 цагт 742 хүн шинээр халдвар авснаар манай улсад батлагдсан халдварын тоо 18565 боллоо. Мөн коронавирусийн халдвар авсан 385 хүн эдгэрч, эдгэрсэн хүний тоо 10638 болжээ.

Түүнчлэн өнгөрсөн 24 цагийн хугацаанд 69 настай эмэгтэй, 72 настай эрэгтэй хоёр иргэн нас баржээ. Бусад шалтгаант өвчин мөн нэг бүртгэгдсэн байна. БЗД-ийн нэгдсэн эмнэлэгт эмчлүүлж байсан батлаагдсан тохиолдол бөөрний хүнд өвчнөөр хорвоог орхижээ.  

Нийт халдварын 654 нь Улаанбаатар хотод, бусад 88 нь орон нутагт гарлаа. Улаанбаатарын тохиолдлууд 150 орчим хороонд бүртгэгдсэн байна. Батлагдсан тохиолдлын ихэнх нь өмнө нь атлагдсан тохиолдлын ойрын хавьтал бөгөөд хатуу хөл хорио тогтоохоос өмнө нь халдвар авсан хүмүүс байна гэсэн мэдээллийг ХӨСҮТ-ээс өгч байна.

Орон нутгийн халдвар

Сүүлийн 24 цагт /нийт/

Увс 1 /7/

Баян-Өлгий 0 /2/

Ховд 5 /148/

Хөвсгөл 1 /53/

Завхан 4 /19/

Булган 0 /72/

Архангай 6 /222/

Баянхонгор 0 /65/

Өвөрхангай 0 /179/

Сэлэнгэ 6 /342/

Төв 10 /451/

Хэнтий 4 /27/

Говьсүмбэр 3 /31/

Дундговь 3 /15/

Дорноговь 1 /59/

Дорнод 0 /4/

Сүхбаатар 2 /94/