Тавантолгойн дулааны цахилгаан станцын ажлын явцын талаар Эрчим хүчний сайд Н.Тавинбэх мэдээлэл өглөө.

Тэрбээр "Засгийн газрын үйл ажиллагааны хөтөлбөрт өсөн нэмэгдэж байгаа хэрэгцээг хангах, одоо байгаа цахилгаан, дулааны эрчим хүчний хэрэглээг найдвартай болгох зорилгоор 16 эх үүсвэрийг шинээр барьж, ашиглалтад оруулахаар тусгасан. Үүний нэг нь Тавантолгой дулааны цахилгаан станц юм.

Бид төслийн санхүүжилтээр энэ станцыг барина. Төслийн санхүүжилтийн зарчмаар 30 хувь нь өөрийн хөрөнгөөр гаргах ёстой.

Тиймээс энэ станцын хувьцааг Эрдэнэс таван толгой ТӨХК-д эзэмшүүлэн хөрөнгө босгохоор Засгийн газрын тогтоол гарсан ажиллаж байна. Харин үлдсэн 70 хувийг Засгийн баталгаагаар зээлийн хөрөнгөөр бүрдүүлнэ.

Гэхдээ Эрдэнэс тавантолгой ТӨХК-ийн санхүүгийн чадамж муудсантай холбоотойгоор бид 30 хувиа хэрхэхийг Засгийн газар эргэн ярилцаж байна.

Хувийн хэвшлийг энэ хөрөнгө оруулалтын ажилд оролцуулж, төр, хувийн хэвшлийн түншлэлээр энэ ажлыг хийх боломжтой эсэхийг судалж үзэж байгаа. Гэхдээ эцсийн шийд гараагүйг сануулъя.

Ирэх долоо хоногт энэ асуудлыг Засгийн газрын хуралдаанд танилцуулахаар бэлдэж байна" гэсэн юм.