Цагаагчин үхэр жилийн өвлийн тэргүүн сарын шинийн 1-ний өдөр энэ жил 11 дүгээр сарын 5-ны Баасан гарагт тохионо.
Энэ өдөр монголчууд бүх нийтээрээ амрах хуультай. Учир нь Их Эзэн Чингис хаан мэндэлсэн билгийн тооллын өвлийн тэргүүн сарын шинийн 1-ний өдрийг нийтээр тэмдэглэх баярын өдөр болгож, 2012 онд Нийтээр тэмдэглэх баярын болон тэмдэглэлт өдрүүдийн тухай хуульд өөрчлөлт оруулжээ. Энэ жил Их эзэн Чингис хааны мэндэлсний 859 жилийн ой тохионо.
Төрийн өндөрлөгүүд энэ өдөр Чингис хааны хөшөөнд хүндэтгэл үзүүлж, хүчит бөхийн барилдаан болдог уламжлалтай ч өнгөрсөн жил цар тахлын улмаас бүх үйл ажиллагаа цуцлагдаж байв.
Их эзэн Чингис хааны мэндэлсэн өдрийг тохиолдуулан жил бүр түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан нэг иргэнийг “Чингис хаан” одонгоор шагнадаг уламжлал тогтоод буй. 2020 онд Ерөнхийлөгчийн зарлигаар БНМАУ, ЗХУ-ын баатар, хошууч генерал, сансрын нисэгч Ж.Гүррагчаад "Чингис хаан" одонг олгосон юм.
"Чингис хаан" одонг энэ жил хэнд олгох нь одоогоор тодроогүй байна.
2005 онд Монгол Улсын анхны Ерөнхийлөгч Пунсалмаагийн Очирбат
2006 онд Төрийн шагналт Урлагийн гавьяат зүтгэлтэн хөгжмийн зохиолч Бямбасүрэнгийн Шарав
2009 онд Ерөнхий сайд асан Дашийн Бямбасүрэн
2010 онд Удирдлагын академийн хүндэт профессор, Шинжлэх ухааны гавьяат зүтгэлтэн Раднаасүмбэрэлийн Гончигдорж
2011 онд Монгол Улсын хоёр дахь Ерөнхийлөгч Нацагийн Багабанди
2012 онд Монгол Улсын гавьяат эдийн засагч, доктор Дамдины Дэмбэрэл
2013 онд Монгол Улсын Ерөнхий сайд, Сангийн сайд асан Думаагийн Содном
2014 онд Академич Хавтгайн Намсрай
2015 онд Соёлын гавьяат зүтгэлтэн зохиолч, яруу найрагч Гомбожавын Мэнд-Ооёо
2016 онд Монгол Улсын Гавьяат жүжигчин, дуучин Ганбаатарын Ариунбаатар
2017 онд Олимпын аварга, Хөдөлмөрийн баатар, жүдоч Найдангийн Түвшинбаяр
2019 онд “The Hu” хамтлаг
2021 онд/Цар тахлын улмаас хойшлогдсоор энэ онд олгосон/ БНМАУ, ЗХУ-ын баатар, хошууч генерал, сансрын нисэгч Жүгдэрдэмидийн Гүррагчаа нарт олгожээ.
Үүнээс гадна арваннэгдүгээр сарын 26-нд Бүгд Найрамдах Улс тунхагласан өдрөөр мөн бүх нийтээрээ амарна. Хуанлийн хуудаст тэмдэглэснээр баярын өдөр Баасан гарагт таарч байна.
Монгол Улс Анхдугаар Үндсэн хуулиа баталж, Бүгд Найрамдах Улсаа тунхагласны 97 жилийн ойтойгоо золгоно.
| Монголчууд арваннэгдүгээр сард хоёр өдөр бүх нийтээрээ амарна |
2024 он гарсаар 1131 иргэн цахимаар бараа захиалаад залилуулжээ
2024-08-06 10:51:07
Дуучин Сэгс Цагаан Богд буюу Б.Гантулга Ерөнхий сайдын зөвлөх болжээ
2024-08-06 10:47:19
"All in HIT" тоглолтод Gala, D45, Ogino, Mc collection зэрэг хамтлаг, дуучин урилгаар оролцоно
2024-08-06 10:41:08
Гамшгийн эрсдэлийг бууруулах чиглэлээр Филиппин улстай хамтран ажиллана
2024-08-06 10:37:24
Таван шарын төмөр замын доогуурх нүхэн гарцын барилгын явц 85 хувьтай үргэлжилж байна
2024-08-06 10:35:49
Өнөөдөр Д.Отгонжаргал, Э.Дэлгэрмаа нар барилдана
2024-08-06 10:34:33
“Mongolia house” төсөл манай орныг зорих жуулчдын тоог нэмэх ач холбогдолтой
2024-08-02 11:02:06
Парис 2024: Өнөөдөр жүдогийн +78, +125 кг-ын жинд манай тамирчид өрсөлдөнө
2024-08-02 10:52:15
О.Есүгэн урт бууны 50 метрийн дасгалд 4-р байр эзэлж финалд шалгарлаа
2024-08-02 10:51:02
Швейцарын Холбооны Улсын Ерөнхийлөгч Виола Амхерд Монгол Улсад төрийн айлчлал хийхээр хүрэлцэн ирлээ
2024-08-02 10:50:05
