Цар тахлын нөхцөл байдалтай уялдуулан хүүхдийн мөнгөн тэтгэмжийг 5 дахин нэмэгдүүлж, 100.000 төгрөг олгож эхэлсэн. Гэхдээ энэ нь архидалт, цаашлаад гэр бүлийн хүчирхийллийг нэмэгдүүлэх үндэс суурь болсон гэж үзэх нь бий.

Улмаар мөнгөн тэтгэмж хүүхдэд зориулагдаж байгаа эсэх нь эргэлзээтэй. Тиймээс хүүхдийн мөнгөн тэтгэмжийн 100 мянган төгрөгийг 2022 оны нэгдүгээр сарын 1-ний өдрөөс эхлэн сонголттойгоор олгож эхлэхээр Засгийн газраас шийдвэрлэсэн. Өөрөөр хэлбэл, хүүхдийн мөнгөн тэтгэмжийг хүүхдийн ирээдүйд хөрөнгө оруулалт хийхээр хуримтлуулах шийдвэр гаргасан юм. 

Тодруулбал, халамжаас хуримтлал руу шилжих Засгийн газрын бодлогын хүрээнд энэ оны долдугаар сарын 1-н хүртэлх хугацаанд эцэг эхчүүдийн хүсэлтээр хүүхдийн мөнгийг бүтнээр нь эсвэл хуримтлал руу шилжүүлэх хэлбэрээр олгохоор болсон. 

Харин 2022.07.01-нээс хойш 50.000 доошгүй төгрөгийг нь хадгаламжид хуримтлуулна. Үлдсэн 50.000 хүртэлх төгрөгийг хүүхдүүд гар дээрээ авч болох сонголттой.