"Наймдугаар сарын 25-ны байдлаар Дархан чиглэлийн 45 километр замын хөдөлгөөнийг нээгээд байна. Цементийн нийлүүлэлт, тээвэрлэлтийн асуудал хэвийн болжээ" хэмээн салбарын сайд мэдээлсэн байна. Гүйцэтгэгч компаниуд уртасгасан цагаар ажиллаж байгаа аж.

Одоо Аглагийн хийд рүү салдаг хэсгээс Урьхан хүртэл 20 километр, Баруунхараагийн сэтэрхий хөтлөөс Хустайн давааны ар хүртэл 21 километр асфальт хучилтын ажил үлджээ.

Зам тээвэр, хөгжлийн сайд С.Бямбацогт "Өнөөдөр/өчигдөр/ Дарханы замд ажиллаж, замын ажлын явц байдалтай танилцлаа. Хүн хүч, машин техникээ зөв хуваарилж ажлаа цаг хугацаанд нь, чанартай шахаж хийж чадвал нэг урсгал, хоёр эгнээний хөдөлгөөнийг нээх боломж байна. Гэхдээ гүйцэтгэгч компаниуд өөрсдөө санхүүжилт, цаг агаарын нөхцөл байдалтай уялдуулан ажлаа урьдчилан харж төлөвлөж, зөв зохион байгуулах хэрэгтэй байгааг хэлж санууллаа" гэв.

Өмнө нь тэрбээр аравдугаар сард хоёр урсгалтай дөрвөн эгнээ замын нэг урсгал, хоёр эгнээг нээж, шороон замаар явахгүй байх боломжийг бүрдүүлнэ. Есдүгээр сарын 22-ны байдлаар 20 орчим километр зам хатуу хучилттай боллоо. Ингэснээр 204 километр замаас 160 километр орчим нь хатуу хучилттай болж байна хэмээн мэдээлж байсан юм.