Улсын дээд шүүхийн хяналтын шатны захиргааны хэргийн шүүх хуралдаанаар иргэн С-ийн нэхэмжлэлтэй Нийгмийн даатгалын ерөнхий газарт холбогдох захиргааны хэргийн хянан хэлэлцэв. Улмаар үүнтэй холбогдуулан жирэмсний тэтгэмж авах эрхтэй холбоотой тогтоол гаргалаа.

Тогтоолд “Нэхэмжлэгч нь жирэмсний чөлөө авахыг хүссэн (37-38 долоо хоногтой) үед хуульд заасан тодорхой хугацаанд шимтгэл төлсөн байх нөхцөл бүрэн хангагдсан байхад маргаан бүхий журамд жирэмсний 31-32 долоо хоногтойд тэтгэмж авах эрх үүсээгүй бол эмнэлгийн хуудас олгохгүй байхаар зохицуулсан нь Нийгмийн даатгалын сангаас олгох тэтгэвэр, тэтгэмжийн тухай хуулийн агуулга, зорилгод нийцээгүй, хууль тогтоогчийн тогтоосон хориглолтын хязгаартай холбоотой шаардлагыг хангаагүй байхын зэрэгцээ бодит байдалд хуулийн шаардлага хангасан (даатгуулагч) иргэн эмнэлгийн хуудас авч чадахгүйд хүрч, улмаар Монгол Улсын Үндсэн хуулиар баталгаажсан “хүүхэд төрүүлэх, асрах тохиолдолд эд мөнгөний тусламж авах” үндсэн эрх зөрчигджээ.” гэж дурджээ.

Шүүх хуралдааны тогтоолтой ЭНД ДАРЖ танилцана уу.