Засгийн газрын ээлжит хуралдаанаар "Оюутан цэрэг"-ийн тоог нэмэгдүүлж, 1500-д хүргэх шийдвэр гаргасан. Тэгвэл эл шийдвэртэй холбоотойгоор цэргийн сургуулиас бусад “Оюутан-цэрэг” хөтөлбөрт хамрагдах их, дээд сургууль, коллежийн оюутны тоог нэмэгдүүлэх, арга хэмжээ авч хэрэгжүүлэхийг холбогдох сайд нарт үүрэг болголоо. Хөтөлбөрийн нэмэлт бүртгэл өнөөдрөөс эхлэн дөрөвдүгээр сарын 1-ний өдрийг хүртэл үргэлжилнэ. Бүртгэл цахим болон “E-Mongolia” системээр явагдаж байна.