Сүхбаатар дүүргийн наймдугаар хороо Монгол Улсын Боловсролын их сургуулийн баруун талын зам дээр зорчиж явсан машин дээр гэрлийн шон унасан осол өнөөдөр /2023.07.19/ гарлаа. Тодруулбал, замын хажуугийн явган хүний зорчих талбай дээр байршуулсан гэрлийн шонгийн гагнаас салж, хөдөлгөөнд оролцож байсан тээврийн хэрэгсэл дээр унасан байна.

Гэрлийн шон унасан замын хэсэгт хөдөлгөөний нэг чигийн урсгалыг шугам сүлжээний засвартай холбоотойгоор түр хаасан байгаа бөгөөд осол гарснаас түгжрэл нэмэгдсэн байна.

Нөхцөл байдал дээр хөдөлгөөн зохицуулалт хийж Тээврийн цагдаагийн алба болон тохижилт үйлчилгээний хэсгийн алба хаагчид ажиллаж байгаа аж. Эд хөрөнгөд учирсан хохирлыг тооцоолж, шаардлагатай арга хэмжээг албаныхан авна гэлээ.

Одоогоор тус зам дээр шугам сүлжээн засвар хийж байгаа ажилчид тог цахилгаан масслахаас урьдчилан сэргийлж байна.