Хотын дарга Д.Сумъяабазар усны барилга, байгууламжийн мэргэжлийн байгууллагууд, инженерүүдтэй уулзаж байна. Энэ уулзалтаар цаашид ямар арга хэмжээ авах ёстой талаар мэргэжилтнүүд судалгаа хийснээ танилцууллаа. Судалгаа хийсэн мэргэжилтнүүд Сэлбэ болон Дунд гол дагуу 29 байршилд зайлшгүй газар чөлөөлөх шаардлагатай гэж зөвлөж байна.

Мөн S'Outlets дэлгүүрийн газрыг чөлөөлж, Aqua хорооллын газрыг усны нөөц бүрдүүлэх зориулалтаар чөлөөлөх ёстой гэсэн дүгнэлт гарсныг Престиж инженеринг ХХК-ийн гүйцэтгэх захирал Ш.Ганзориг танилцууллаа.

Сэлбэ, Дунд голын урсцад нөлөөлөхүйц газарт барьсан барилгуудыг нураах эрхзүйн орчныг судалж байгаа бөгөөд Засгийн газарт танилцуулж, шийдвэртэй арга хэмжээ авах аж.