“Гацуурт” ХХК-ийн захирал Л.Чинбат машинаараа адуутай залуус хөөж буй бичлэг цахим орчинд тарсан. Уг асуудалд цагдаагийн байгууллагаас хэрэг бүртгэлтийн хэрэг нээж, мөрдөн шалгах ажиллагаа явуулж эхэлсэн талаар бид мэдээлсэн. Тодруулбал, өнгөрсөн долоодугаар сард уг хэргийг шалгаж, прокурорын байгууллагад шилжүүлсэн ч прокурорын байгууллагаас өнгөрсөн наймдугаар сарын сүүлээр мөрдөн байцаалтад буцаагаад байсан юм. Тэгвэл Сэлэнгэ аймгийн цагдаагийн байгууллага хэргийг дахин шалгаж, улмаар шүүхэд шилжүүлэх саналтай прокурорын байгууллагад шилжүүлсэн байна. Түүнийг Эрүүгийн хуулийн тусгай ангийн 10.1, 13.14, зүйлд зааснаар буруутган шалгаж буй. Тус зүйл ангиудад, хүнийг санаатай алах, худал мэдээлэл тараасан гэх зүйл заалтууд багтаж байна.