Өнгөрсөн шөнөөс эхлэн Улаанбаатар орчимд угаар үнэртэж буйг олон нийт хэлж байна.

Нийслэлийн Шуурхай удирдлага зохицуулалтын төвөөс энэ талаар тодруулахад "Бид мэдээллийг авсан. Шалтгааныг тодруулахаар ажиллаж байна" гэлээ.

Мөн ОБЕГ-ын Хэвлэл мэдээллийн албанаас тодруулахад "Манайд ямар нэгэн үйлдвэрийн осол, дэлбэрэлтийн талаарх дуудлага одоогоор ирээгүй байна" гэлээ. Харин Нийслэлийн Онцгой байдлын газраас тодруулах гэсэн боловч холбогдож чадсангүй.

08:25 цагийн нэмэлт мэдээлэл:

Нийслэлийн Онцгой байдлын газраас тодруулахад "Нийслэлийн онцгой байдлын газарт ямар нэгэн үйлдвэрийн дэлбэрэлт, ослын дуудлага бүртгэгдээгүй. Гал түймрийн 3 дуудлагатай хонолоо" гэв.

Бид энэ талаарх мэдээллийн дэлгэрэнгүйг удахгүй хүргэх болно.

10:56 цаг

Нийслэлийн зарим хэсэгт үнэртэж байгаа хийн гэх үнэртэй холбоотойгоор ОБЕГ-ын баг ажиллаж байгаа бөгөөд удахгүй мэдээлэл өгнө гэж Засгийн газрын ХМОХХ-ээс мэдээллээ.