Дотоодын нийт бүтээгдэхүүн 2024 оны эхний улиралд оны үнээр 16.5 их наяд төгрөг, 2015 оны зэрэгцүүлэх үнээр 6.1 их наяд төгрөг болжээ.

Энэ нь өмнөх оны I улиралтай харьцуулахад 2015 оны зэрэгцүүлэх үнээр 7.8 хувиар өссөн үзүүлэлт гэдгийг Үндэсний статистикийн хорооноос мэдээллээ.

ДНБ 2024 оны эхний улиралд 7.8 хувиар өссөний -1.3 нэгж хувийг хөдөө аж ахуйн  салбар, 1.9 нэгж хувийг уул уурхай, олборлолтын салбар, 1 нэгж хувийг үйлдвэрлэл, барилгын салбар, 4.1 нэгж хувийг үйлчилгээний салбар, 2.1 нэгж хувийг бүтээгдэхүүний цэвэр татвар бүрдүүлсэн байна.