ОУ-д нүүрсний зах зээлд зориулан IPO  гаргах гэж байгаад больсон тухай “Asia.Nikkei.com” сайт мэдээллээ. Уг нь Монголын Засгийн газар 3 тэрбум ам.доллар хүртэлх хөрөнгийг Хонг Конгийн зах зээлд босгох гэж байгаад “цуцалсан” талаар энэхүү сайт мэдээллэв. Эх сурвалжийн мэдээлж байгаагаар уг нь IPO  гаргаад Таван Толгойгоос БНХАУ руу төмөр зам барих, тээврийн асуудлаа шийдэх гэж байсан талаар өгүүлэв. 

Таван Толгой орд газартай холбоотой хээл хахуулийн хэрүүл маргаан ч сонгуулийн өмнө хүчтэй нөлөө үзүүлж байгааг дурдсан. Мөн хувьчлах асуудал ч газар аваад байгааг цохон тэмдэглээд уурхайчдын эсэргүүцэлтэй тулгарсан гэдгийг энэхүү сайт мэдээллээ. Нийт 15 хувийн хувьцаа эзэмшиж байгаа Монголын ард түмэн ирэх сар ноогдол ашиг хүртэх нь тодорхой болоод байгаа бол иргэн бүр буюу 2,5 сая хүн 67,500-аас 96,480 төгрөгийн ноогдол ашиг хүртэх асуудлыг ч бичсэн байна.

Хамгийн сонирхолтой нь өнгөрсөн оны арванхоёрдугаар сард “Bank Of America”, “Credit Suisse” болон “Nomura”  Засгийн газарт IPO  гаргах зөвлөгөө өгсөн. Гэвч ОУ-д IPO  гаргах асуудал ийнхүү хойшилж байгааг Азийн бизнесийн бүхий л байгууллага мэдсэн нь ойлгомжтой боллоо.

Эх сурвалж: https://asia.nikkei.com