Хотын хэмжээнд өнөөдөр 17 мянга 888 орон сууц баригдаж байна. Харин үүнээс 4078 нь  ашиглалтад орсон орон сууц байгаа ч иргэд мөнгөгүй, урьдчилгаа төлбөргүйгээс борлогдохгүй байгаа аж.

Иймээс нийслэлээс үнэт цаас гаргах замаар орон сууцыг нь худалдан авч, гэр хорооллын иргэдэд түрээслээд, өмчлүүлэх замаар орон сууцжуулах ажлыг энэ сараас эхлүүлж байна. Тодруулбал, хөрөнгөөр баталгаажсан үнэт цаасыг гаргах замаар борлуулагдахгүй байгаа орон сууцыг Нийслэлийн орон сууцны корпораци /НОСК/ худалдан авч, нийслэлийн иргэддээ түрээслээд өмчлөх ажлыг зохион байгуулах аж. Нөгөө талаар энэ нь барилгын компаниудын үйл ажиллагааг дэмжих зорилготой юм байна.