Бямба, 2024-11-23
Б.Лхагвасүрэн: КОВИД-19-ийн дараа эдийн засаг сэргэхэд инфляц өдөөгдөхөөс сэргийлж, бодлогын хүүг чангарууллаа

Мөнгөний бодлогын хорооноос өнөөдөр бодлогын хүүг 12% болгох шийдвэрээ танилцуулсан. 

Уг шийдвэрээс хүлээгдэх үр дүнгийн талаар Монголбанкны ерөнхийлөгч Б.Лхагвасүрэн "Бодлогын хүү бол инфляцад нөлөөлөх зорилготой. Одоогийн байдлаар инфляц нийлүүлэлтээс үүссэн шинжтэй байгаа. Энэ нөхцөлд бодлогын хүүгийн өөрчлөлт нь урт хугацаанд нөлөөлнө.

Бодлогын хүүг чангаруулж байгаа нь хоёр дахь шатны давлагаа буюу КОВИД-19-ийн дараа эдийн засаг сэргэхэд инфляц дахин өдөөгдөхөөс болгоомжилж байгаа хэрэг. Ирээдүйн хүлээлтээ зөв болгохын тулд бодлогын хүүгийн шийдвэрийг гаргалаа" гэлээ. 

Мөн тэрбээр сүүлийн улирлуудад түүхий эдийн үнэ өндөр түвшинд хадгалагдсан хэдий ч экспортын биет хэмжээ төдийлөн сэргэж чадаагүйгээс урсгал тэнцлийн алдагдал огцом тэлж, төлбөрийн тэнцэл оны эхний долоон сарын байдлаар 1.3 тэрбум ам.долларын алдагдалтай гарсныг энэ үеэр мэдээлсэн юм.

Нүүрсний экспортын орлого хүлээлтээс бага байгаа нь төлбөрийн тэнцэл, валютын орох урсгалд сөргөөр нөлөөлж, валютын ханшид дарамт үүсгэж байгаа аж.


Б.Лхагвасүрэн: КОВИД-19-ийн дараа эдийн засаг сэргэхэд инфляц өдөөгдөхөөс сэргийлж, бодлогын хүүг чангарууллаа
2022-09-21 08:22:26
Тухайн мэдээлэлд өгөх таны хариулт?
  • 0
  • 0
  • 0
  • 0
  • 0
  • 0
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд moment.mn хариуцлага хүлээхгүй.

Нийт сэтгэгдэл: 0
Шинэ мэдээ
Медиа & PR Агентлаг
800-33-333,     info@face.mn
2024 © Зохиогчийн эрх хуулиар хамгаалагдсан
Facebook Chat Widget by www.face.mn