Хөдөө аж, ахуйг дэмжих сангаас зээл авсан 6,092 ААН, иргэн, төрийн болон төрийн бус байгууллагын 52.4 тэрбум төгрөгийн зээлийн үлдэгдлийн мэдээллийг нийтэд ил болгож байсан. Энэ цагаас хойш хэдэн төгрөгийн зээл төлөгдсөн талаар мэдээллээ.

"Өнөөдрийн байдлаар мэдээлэл хариуцагчаас ирүүлэн 883 ААН, иргэн төрийн болон төрийн бус байгууллагын мэдээллийг shilen.gov.mn сайтад нэмж орууллаа. Ингээд нийт 6,883 ААН-ийн мэдээлэл ил болж байна. Үүний үр дүнд 52 тэрбумын зээл дээр 800 гаруй компани нэмэгдэхээр зээлийн үлдэгдэл 82.1 тэрбум төгрөг боллоо.

Өөрөөр. Хөдөө аж, ахуйн санд 6,883 ААН, иргэн төрийн болон төрийн бус байгууллага 82.1 тэрбум төгрөгийн зээлийн үлдэгдэлтэй байна. Хөдөө аж ахуйг дэмжих сангийн нийт 10,325 зээлдэгчийн мэдээллийг бүгдийг ил болгохоор үлдсэн мэдээллийг нэхэж, шаардаж байна.

Монголбанкнаас авсан мэдээллээр, тус сангийн зээлдэгчийн мэдээллийг ил болгосноос хойш 95 иргэн, хуулийн этгээд 232 сая төгрөгийн зээлээ төлжээ.

Харамсалтай нь нэрсийн жагсаалт нэмэгдэхэд өрийн данс нэмэгдэж байна" хэмээн ЦХХХ-ны сайд мэдээллээ.