Ерөнхий боловсролын сургуулиудын номын санд "Сурах бичгийн цахим бүртгэлийн систем" нэвтэрч эхэллээ. Төр хувийн хэвшлийн хамтын ажиллагаа болон “Боловсрол МН” төслийн хүрээнд БШУЯ, БЕГ, "Гэрэгэ ЭдТек" ХХК хамтран "Сурах бичгийн цахим бүртгэлийн систем"-ийг хоёр жилийн хугацаанд гүйцэтгэлээ. Улмаар энэхүү системд улсын хэмжээнд 838 сургууль нэгдэж, орон нутагт ерөнхий боловсролын 556 сургууль, нийслэлд ерөнхий боловсролын 282 сургууль бүртгэгджээ. Мөн уг системийг 16 мянга гаруй багш, ажилтан ашиглаж байгаа юм. 2023-2024 оны хичээлийн жилд нөхөн хангалтаар авсан 1.4 сая сурах бичгийг коджуулан бүртгэж, 6-12 дугаар ангийн сурах бичгийн төлбөрийг пос машины тусламжтайгаар Төрийн сангийн дансанд шууд байршуулах боломж бүрдээд байгаа талаар Боловсрол, шинжлэх ухааны яамнаас мэдээллээ.