Сүүлийн өдрүүдэд Хятад хүүхдүүдийн дунд ихээр нэмэгдсэн амьсгалын замын өвчнийг Дэлхийн эрүүл мэндийн байгууллага (ДЭМБ) анхааралдаа авсан. Тодруулбал тус өвчний талаар дэлгэрэнгүй мэдээлэл өгөхийг Хятадын талаас хүссэн юм.

Тэгвэл Хятадын Эрүүл мэндийн сайд тус өвчлөлийг шинэ төрлийн вирус биш, ханиад болон эмгэг төрүүлэгчээс үүдэлтэй хэмээн мэдэгдсэн байна.

Одоогоор тус улсын Эрүүл мэндийн яамнаас эмнэлгүүдийн хүчин чадлыг нэмэгдүүлж, хүүхэд, ахмад настнуудыг вакцинжуулалтад хамрагдах, ард иргэдийг маск зүүхийг уриалж байгаа гэв. 

ДЭМБ-аас гэнэт дэгдсэн амьсгалын замын өвчний талаар тодруулахад Хятадын эрх баригчид ковидын дэглэмийг цуцалсантай холбоотой хэмээн тайлбарласан.

Хятадаас гаргасан мэдээллийн дагуу дэгдэлт нутгийн хойд хэсгээр, тэр дундаа Бээжинд их тохиолдож байгаа гэнэ. 

Эх сурвалж: АР