Шинэ төрлийн коронавирусний халдварын далд үе дунджаар 5-6 хоног үргэлжлэх боломжтой хэмээн Дэлхийн эрүүл мэндийн байгууллага мэдээлжээ.  

 

ДЭМБ явуулсан судалгаа, статистик өгөгдөлд хийсэн дүн шинжилгээ, математик загварчлалын үр дүн дээр үндэслэн ийнхүү мэдэгджээ. “Урьдчилан тооцоолсноор, халдварын далд үе дунджаар 5-6 хоног болох хэдий ч хоёр долоо хоног хүртэлх хугацаанд үргэлжлэх боломжтой” хэмээн тус байгууллага онцлон тэмдэглэжээ.  

 

Коронавирусний халдварын нас баралтын коэффициент 2.3 хувь байна гэж Хятадын өвчнөөс урьдчилан сэргийлэх, хянах төвийн мэдээлсэн байна.