Ням, 2024-11-24
БНСУ-д коронавирусын халдвар авсан хүн 204 боллоо

БНСУ-д баасан гарагт шинэ төрлийн коронавирусний халдварын 100 шинэ тохиолдол бүртгэгдэж, нийт халдвар авсан хүний тоо 204 болсон талаар тус улсын Өвчнийг хянах, урьдчилан сэргийлэх төв мэдээлжээ. Шинээр халдвар авсан хүмүүсийн дийлэнх нь зүүн өмнөд нутгийн Тэгү хотод сүмийн арга хэмжээнд оролцсон байжээ. Мягмар гарагт коронавирусний шинжилгээний хариу нь эерэг гарсан 61 настай эмэгтэй БНСУ-д вирусний халдвар авсан 31 дэх өвчтөн болсон. 31 дэх өвчтөн энэ сарын 9, 16-нд Тэгү хотын сүмд мөргөл үйлдсэн бөгөөд өнөөдөр бүртгэгдсэн коронавирусний халдварын 100 тохиолдлын 85 нь дээр дурдсан сүмд очсон хүмүүс байгаа гэнэ. Сүмийн цуглаанд оролцсон халдвартай нэг иргэний нэгдүгээр хавьтагч сүмийн 1001 хүн, тэдгээрээс хоёрдугаар хавьтагч 3474, гуравдугаар хавьтагч 4860 нийтдээ 9335 хүнд нэн яаралтай шинжилгээ хийх шаардлагатай байгааг эх сурвалжууд дурдлаа. Эхний хавьтагч 1001 хүнээс халдварын ханиалгах, хямрах зэрэг шинж тэмдэг илэрсэн 500 гаруй хүн байгаа аж.

Солонгосын Засгийн газраас 2.5 сая хүн амтай Тэгү болон Чондо хотыг "тусгай бүс" -ээр зарлаад байна. Улаанбаатар Сөүлийн онгоц ирж байгаа нь эрсдэлийн дохио байхыг үгүйсгэхгүй. Иргэддээ анхааруулахад онц шаардлагагүй бол БНСУ-д зорчихгүй байхыг анхааруулж байна. 

 
 

БНСУ-д коронавирусын халдвар авсан хүн 204 боллоо
2020-02-21 18:27:42
Тухайн мэдээлэлд өгөх таны хариулт?
  • 0
  • 0
  • 0
  • 0
  • 1
  • 0
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд moment.mn хариуцлага хүлээхгүй.

Нийт сэтгэгдэл: 0
Шинэ мэдээ
Медиа & PR Агентлаг
800-33-333,     info@face.mn
2024 © Зохиогчийн эрх хуулиар хамгаалагдсан
Facebook Chat Widget by www.face.mn