БНХАУ-ын нөхцөл байдал тийм ч сайн биш байна. Гэрийн хорионд байгаа иргэд, хяналтанд байгаа иргэд зэрэг олон зуун мянган хүнийг нэгэн зэрэг хянах ажиллагаа хүндрэлтэй байгааг албаныхан мэдэгдсэн удаатай. “Ачаалалтай энэ үед онцгой анхаарал шаардлагтай, хорионд байгаа айлуудын гадна хяналтын камер суулгахаас өөр арга алга” гэсэн байр суурийг өмнөд хөршийн эрх баригчид өнөөдөр Синхуа агентлагаар мэдэгдсэн. 

Шаардлагатай тохиолдолд айлуудын дотор ч хяналтын камер суулгах талаар ч анхааруулсан. Бээжинд амьдардаг нэгэн гадаад иргэн өглөө гэрээсээ гараад эргээд ороод иртэл үүдний дээд хэсэгт хяналтын камер суулгасан байжээ. Камер яг түүний гэрийн хаалга руу чиглэсэн байв. Ирландаас ирсэн гадаад ажилтан Лахиффегийн хэлж байгаагаар түүний гэр бүлийнхэн хоёр долоо хоногийн гэрийн хорионд байх ёстой аж. Хаалга руу нь чиглэсэн хяналтын камерыг ямар ч мэдэгдэл хүргүүлэлгүй хийсэнд ихэд гайхсан тухай өөрийн цахим хуудсанд бичсэн байна. Тэрээр “Энэ бүхэн хэр хууль ёсонд нийцэх юм байгаан” гэж жиргэжээ.

Зөвхөн 2017 оны судалгаагаар 20 сая гаруй CCTV  хяналтын камернууд гудамж талбай, орон сууцнуудад тавигдаж байсан талаар албан ёсны тоо байдаг. Харин 2018 онд 349 сая хяналтын камер суулгасан байна. Харин ирэх жилийн хувьд БНХАУ АНУ-аас зургаа дахин их хяналтын камер байрлуулах магадлалтай талаар эх сурвалжууд судалгаагаар олж тогтоожээ. Одоогийн байдлаар БНХАУ-ын Эрүүл мэндийн яам айлуудын гадна суулгаж байгаа хяналтын камерны талаар албан ёсны тоо, баримт, мэдэгдэл хийгээгүй хэвээр байгаа аж. Харин улсын онцгой комисс бүхий эрх бүхий албан тушаалтнуудын мэдпэгдэж байгаагаар “эрсдэл ихтэй байна, хяналтын камер суулгахаас өөр сонголт алга” гэсэн байр суурийг гэрийн хорионд байгаа хүмүүст хандаж Синхуа агентлаг мэдээлсэн. 

Эх сурвалж: https://edition.cnn.com/2020/04/27/asia/cctv-cameras-china-hnk-intl/index.html