Ер нь аялах ч биш европын орнууд руу ажлын журмаар ч гэсэн аялах, очих шаардлага олон хүнд байгаа. Тэгвэл улс орнууд ээлж дараалан хилээ хааж, халдварт өвчний үеийн байдал сайнгүй байгаа. Европын зарим орнууд одоо л айдас нь дээд цэгтээ хүрч байх шиг байна. Аялагчид энэ тив рүү нэвтрэх боломжтой хугацааны талаар тодорхой хариу хүлээж, бүх зүйл хэзээ хэвийн болох магадлалтай өдөр хоногийг тооцож сууна.

Хүмүүс цэцэрлэг, сургууль, олон нийтийн үйлчилгээний байгууллага, нийтийн гэх тодотголтой газруудыг дахин нээх асуудал яригдаж эхэлсэн учраас ийнхүү аялагчид болон ажлын журмаар ч асууж, лавлаж байгаа хүний тоо нэмэгдэж байна. Харамсалтай нь халдвар авагсдын тоо нэмэгдсээр байх юм бол юу ч дахин нээх асуудал яригдахгүй гэдгийг Европын холбоо хатуу анхааруулсаар байгаа. Итали, Испани, ХБНГУ, Австри, Дани, Норвеги, Польш, Чех, Люксенбург болон Исланд зэрэг орнууд эдийн засгийн хүндрэлтэй байдалд байгаа учраас ажил хийх, бизнесийн хэвийн үйл ажиллагааг дэмжих шийдвэр гарна гэж найдаж байгаагаа илэрхийлжээ. Үүнийг дагаад тус тив рүү нэвтэрч болох яриа ийнхүү газар аваад байсан юм. Харин ойрын хоёр сар ямар ч аялал жуулчлал байхгүй гэдгийг сайтууд мэдээлсэн хэвээр байна.  

Эх сурвалж: https://www.forbes.com