Гондурас улсын Цагдаагийн газрын дарга байсан Хуан Антонио Хернандез “Тони” гэгч этгээд цагдаагийн албанд ажилладаг байх хугацаандаа АНУ-руу хар тамхи тээвэрлэж, түүний энэ хууль бус үйлдлийг төрсөн ах болох тус улсын Ерөнхийлөгч Хуан Орландо Хернандезыг АНУ-ын шүүх өнгөрсөн жилийн аравдугаар сард хэрэг үүсгэн шалгаж байжээ. Гондурас улсыг ОУ-ын шүүхэд дуудна гэдгийг АНУ-ын тал анхааруулсан. 

АНУ-ын хар тамхитай тэмцэх газрын “El Tigre” гэх нэртэй хар тамхины бүлэглэлийг эрэн сурвалжлах, судлах ажиллагааг сүүлийн хоёр жилийн хугацаанд хийж гүйцэтгэж, ийнхүү улсын тэргүүн хүртэл энэ хэрэгт оролцсон болохыг олж тогтоосон байна. Хамгийн хачирхалтай нь түүний төрсөн дүү Гондурас улсын цагдаагийн дарга нь энэ хэрэгт холбогдож ах дүү “El tigre” гэх яриа ч хоёр улсын хувьд асуудал болж эхэллээ. Гондурас улсыг шүүхэд дуудах, эсвэл дээрх ах дүү 2-ыг бүх мэдээллээ өгөөд хамтран ажиллаж АНУ-ын шоронд ялаа эдлэх хоёр л зам байгааг хуульчид хэвлэлээр мэдээллээ.

Мөрдөн байцаалтын явцад 2012 оноос хойш Гондурас улсын цагдаагийн албаны дарга хэдэн мянган тонн хар тамхи оруулсаныг одоо судалж байгаа бөгөөд Гуатимал улсын хил дээр ч ах дүү нарын нэр хар тамхитай холбогдож байсан ч тухайн үед нотлох баримт хангалтгүй гэсэн үндэслэлээр хэргийг хааж байсан ч удаа бий. Энэ бол АНУ-ын хар тамхитай тэмцэх газрын “DEA” илрүүлж байгаа томоохон хэргийн үр дүн.

Эх сурвалж: https://www.theguardian.com/world/2020/apr/30/former-police-chief-of-honduras-accused-of-trafficking-drugs-to-us