Япон улс иргэдийн эрүүл мэндийн нөхцөл байдал, халдвартай хүмүүсийн өсөлтөөс шалтгаалан энэ сарын 31 хүртэл онц байдлаа сунгах шийдвэр гаргасан байна. Тус улсын Ерөнхий сайд Шинзо Абе эрүүл мэндийн салбарынхантай зөвлөлдөж, тус улсын “Алтан долоо хоног”-ийн сүүлчийн өдөр энэхүү сунгаж буй талаар шийдвэрээ танилцуулж, цаашдаа халдварт өвчинтэй тэмцэхийн тулд онц байдлыг зайлшгүй сунгах ёстой талаар хэвлэлийнхэнд мэдэгдлээ.

Нэг сарын хугацаанд япончууд урьдчилан сэргийлэх ажлын хүрээнд олон зүйл төлөвлөсөн байгаагаа хэрэгжүүлэх хэрэгтэй байгааг онцлоод дотоодын халдвар авагчдын тоо саармагжсан талаар хэллээ. Мөн иргэдийг аль болох бусад хотууд руу зорчихгүй байх, шаардлагаггүй тохиолдолд гэртээ байж эрүүл мэндээ хамгаалахыг зөвлөв. Хот хоорондын хөдөлгөөнөөс халдварын тархалт ихээхэн хамаарч байгааг тэрээр цохон тэмдэглэв.

Эх сурвалж: http://www.xinhuanet.com/english/2020-05/04/c_139029922.htm