Энэтхэг улсын LG Полимерийн хийн станц буюу үйлдвэрт осол гарч одоогийн байдлаар зургаан хүн амиа алдаж, 200 гаруй хүн эмнэлгийн түргэн тусламжийн үйлчилгээ аваад байгаа талаар эх сурвалжууд мэдээллээ. Ослын шалтгааныг тодруулахын тулд шуурхай албаныхан ажиллаж байна. Химийн үйлдвэрт яагаад ийнхүү осол гарсан шалтгаан нөхцлийг хайж судалж байгаа бөгөөд удахгүй албан ёсны тайлбарыг Энэтхэгийн Засгийн газраас өгнө.

Висахапатнам хотод байрлах энэ үйлдвэрийн үйл ажиллагаанд ямар нэгэн доголдол бүртгэгдэж байгаагүй аж. Химийн үйлдвэрийн ойролцоо явж  байсан мотофикл болон автомашинтай хүмүүс газар унаж хордож байгаа гэрэл зураг дэлхий нийтээр тарлаа. Энэхүү үйлдвэр нь 3000-4000 хүн амтай тосгоны дэргэд байрладаг бөгөөд нутгийн иргэдийг ажлын байраар хангадаг ганц том үйлдвэр юм. Амандаа баг зүүсэн, азрим нь даавуугаар амаа боосон иргэд цагдаа, түргэнийхэнийг ирэхээс өмнө ослын голомт руу орж хордсон иргэдийг аварч байсан байна. Нөхцөл байдал одоогоор тайван болж байгаа ч орчныг цагдаа тусгайгийн ажилтнууд бүрэн хяналтандаа аваад байна.

Эх сурвалж: https://edition.cnn.com/2020/05/07/asia/india-gas-leak-death-intl-hnk/index.html