Зенитийн пуужингийн систем бүхий С-500 загварын зэвсгийг ирэх жилд хүлээж авахаар болсон талаар эх сурвалж мэдээллээ.  Энэ талаар сарын эхэнд гарах сэтгүүлд нийтлүүлэх гэж байгаа мэдээллийн дагуу салбарын тусгай мэргэжилтэн Александр Криворучко ам нээсэн байна. Сүүлийн жилүүдэд С-500 нэг биш удаа хэрэгтэй байгаа талаар ОХУ-ын Батлан хамгаалах салбар сэдэв хөндсөн. Тэгвэл “С-500”-г Алмаз-Антей болон Павел Созинов нар хөгжүүлэлтийн төсөл хариуцан ажиллаж байгаа аж. Газраас хэдэн зуун км-ийн зайд хөөрөх чадвартай энэхүү пуужин нь байндаа яг тусдаг манай дэлхийн хамгийн хүчтэй зэвсгүүдийн нэг гэдгийг аль ч улсын Батлан хамгаалах салбарын хүн хэлнэ.

Пуужингийн хувьд зөвхөн агаар, бай гэхээс илүүтэй хөдөлж буй бүхий л төхөөрөмжийг сөнөөх чадалтай аж. Ялангуя агаарт хөөрч байгаа онгоц, нисдэг тэрэг гэх мэт. Нийт удирдлагын хүрээ нь 600 км бөгөөд нэг байд 10 хүртэлх онио тохируулах боломжтой бөгөөд энэхүү пуужингаас зугтаах ямар ч боломжгүй. Нэг секунд бүрт 7 км-ийн хурдтай байхаар зохион бүтээгдсэн С-500 пуужин өндөр хүчин чадал бүхий удирдлагын системтэй байдаг байна.