Европ тивд зарим орнууд ялалтын баярын 75 жилийн ойг тохиолдуулан хүндэтгэлийн арга хэмжээг зохион байгуулж аль болох бага хүн цуглуулахыг хичээж байна. Польш, Чех, Франц, Итали, Герман гээд олон орон хүндэтгэл үзүүлж байна. ХБНГУ-ын нийслэл Берлин хотод байрлах ЗХУ-ын дайчдын хөшөөнд хүндэтгэлийн цэцэгс өргөж байгаа дүр зураг гэрэл зурагчдын дуранд буужээ. Хэдийгээр ЗХУ-ын ялалтаар дайн дууссан ч дэлхийд фашист нацистуудын дэглэмийг нураан унгасан баярт бас гунигт түүхэн хуудас эргэж байна. Дайны үед амиа алдсан, олзлогдсон, алга болж ор сураггүй болсон бүх хүмүүсийн мэдээллийг харья улс орнуудад шаардлагатай бичиг баримтыг хүлээлгэн өгөх арга хэмжээг НҮБ, хүний эрхийн олон улсын байгууллагууд анхааралдаа аваад байна.