Их Британи улсын Ерөнхий сайд Борис Жонсон “нөхцөл байдлын төлөвлөгөө” гаргасан талаар өнөөдөр мэдэгдлээ. Энэхүү төлөвлөгөө нь нийгмийг буцаад хэвийн болгох зорилготой бөгөөд эдийн засгийн, санхүү, мөнгөний алдагдалд орохгүй байх, улсын эдийн засгийн нэгт тавьж байгаа нэг талт шийдвэр гэдгийг онцолжээ. Бүх эдийн засгийн үүд хаалгаа хаагаад, түгжээд байж болохгүй гэдгийг ойлгосон ерөнхий сайдын хувьд “бид байж болох хамгийн боломжит арга хэмжээг авч байна” гэж хэлжээ.

Жишээ нь нийтийн салбарт ажилдаг хүмүүсийн хувьд гэрээсээ ажлаа хийх боломжгүй. Тэд ажлын байранд аюулгүй байдлаа сахиад ажлаа хийх бүрэн боломжтой. Ирэх сарын 1 гэхэд нийгмийг буцаагаад хэвийн үйл ажиллагаанд оруулах төлөвлөгөө байгаа талаар хэлж, үүнд иргэд бэлтгэлтэй байхыг анхааруулж, халдварын нөхцөл байдалд илүү болгоомжтой байх талаар заавар зөвөлгөө хүргүүлж байгаа юм байна. Мөн зарим анхан шатны сургуулиудын үйл ажиллагааг эхлүүлж, худалдааны төвүүдийн үйл ажиллагааг шат дараалалтай нээх төлөвлөгөө байгааг онцлов. Халдварын тоо буурахгүй байгаа ч цаашдаа нөхцөл байдал аль тийш эргэж, эрсдэл дагуулахыг урьдчилан тооцоолох нарийн судалгааг давхар хийж байгаа талаар Борис Жонсон мэдэгдлээ.

Эх сурвалж: https://www.bbc.com/news/uk-52609952