Өмнөд Солонгос улсын Эрүүл мэндийн яамны мэдээлж байгаагаар өнгөрсөн долоо хоногт Сөүл хотод байрлах зарим нэг баар, цэнгээний газарт үйлчлүүлсэн залуучуудаас болж халдварын аюул хоёр дахин нэмэгдээд байгаа талаар анхаарууллаа. Уг нь албаныхан сургуулийн үйл ажиллагааг дахин нээх тал дээр ажиллаж байсан. Гэвч зөвхөн нэг шөнийн залуучуудын цугларалтаас болж 35 шинэ тохиолдол бүртгэгдэж, 700-800 гаруй залуучуудыг хайх, эрүүл мэндийн байдлыг судлах, халдварын хүрээг тогтоох, шинж тэмдэг бүхий сэжигтэй хүмүүсийг тусгаарлах нөсөр ажил үргэлжилж байна.

Сүүлийн 48 цагийн дотор халдвартай иргэдийн тоо 69 болж өссөн нь дээрх баар, цэнгээний газартай шууд холбоотой гэж албаныхан тайлбарлаж байна. Сэжигтэй гэх 800 хүнийг хайж байгаа ч тухайн шөнө албан бус тоогоор 4000 хүн баар, цэнгээний газруудаар нийт үйлчлүүлсэн болохын давхардаагүй тоогоор олж тогтоосон байна. Тиймээс өнөөдөр халдвар тархах аюулын хэмжээг хоёр дахин гэж үзээд хойш нэг биш хоёр алхах шаардлагатай тулаад байгааг Сөүлийн хэвлэлийнхэн онцолжээ. Магадгүй 3000 хүний хаагуур яаж явсан замыг олж судлах ажил Сөүл хотод хяналт алдах нөхцөл байдал үүсгэж болохуйц. Тиймээс тус улсын Ерөнхий сайд Чун Сье Кьюн  “эхний ээлжинд хотоос сэжигтэй тохиолдлын хүмүүсийг гаргахгүй байх. Энэ нь эрлийн хайх хүрээг багасгаж байгаа эхний алхам” гэжээ.

Эх сурвалж: https://www.reuters.com/article/health-coronavirus-southkorea