Дэлхий нийт анхаарлаа арай өөр тийш хандуулж байх зуур Арабын орнуудад халдвартай иргэдийн тоо, амиа алдсан хүмүүсийн тоог гаргах боломжгүй болсон талаар эх сурвалж мэдээллээ. Йеменд амиа алдсан хүмүүсийн тоо зөвхөн долоо хоногийн хугацаанд л гэхэд 385 бүртгэгдсэн байна. Тиймээс эмнэлгүүд нь үүд хаалгаа хааж, ямар ч үйл ажиллагаа явуулах боломжгүй болсон аж. Халуунтай иргэдийг бүртгэх ажил ч асуудалтай болж ирж байгааг албаныхан тайлбарлав. Йеменийн Аден хотод л сүүлийн хэдэн өдөр амиа алдсан хүмүүсийн тоо 400 гарч байна. Халдвартай иргэдийн тоо замаа алдсан бололтой. Йемен нь Арабын хамгийн ядуу буурай орнуудын нэг бөгөөд Эрүүл мэндийн салбар муу хөгжсөн бүс нутагт ордог гэдгийг Вашингтон Пост сонин онцлов. Нийт 803 ширхэг оншлуур байгаа талаар тус улсын эмч нар өмнө нь мэдээлж байсан. Тиймээс “Йемений хүүхдүүдийг авраач” хэмээн НҮБ, ДЭМБ-д албан бичиг хүргүүлээд хоёр хоног болж байна.

Эх сурвалж: https://www.washingtonpost.com