Дэлхий дээр халдварын 5 сая дахь тохиолдол бүртгэгдэх гэж байхад Канад улсад анх удаа иргэдээ маск зүүхийг албан ёсоор зөвлөгөө өгсөн байна. Ийнхүү Онтарио, Миссисауга зэрэг мужуудад иргэд маск зүүж “хэвшиж” эхэлсэн бололтой. Канадын олон нийтийн эрүүл мэндийн асуудал хариуцсан албан ёсны төлөөлөгч өнөөдөр иргэдэд амны хаалт зүүхийг зөвлөж байгаагаа мэдэгдсэн байна. Эмнэлгийн бус байсан ч болно гэдгийг цохон тэмдэглэжээ. Олон нийтийн эрүүл мэндийн ахлах ажилтан Тереза Тэм ийнхүү анх удаа иргэд рүү хандсан заавар зөвөлгөөг өгсөн аж. Яг түүний мэдэгдлийн өмнө тус улсын Ерөнхий сайд Жастин Традеау их хурлын танхимд хар өнгийн маск зүүсэн байдалтай орж байжээ. Тэрээр маск зүүж байгаагаа “Энэ миний хувийн сонголт. Хэрэв хүсвэл та маск зүүж болно шүү дээ” хэмээн Ерөнхий сайд нь хэлж байна. Тус улсын хувьд 80 мянган тохиолдол бүртгэгдэж, 6 мянган хүн амиа алдсаны дараа ийнхүү анх удаа эрүүл мэндийн салбарын хүмүүс маск зүүхийг зөвлөж байгаа нь энэ юм. Гэсэн хэдий ч халдварт өвчинтэй тэмцэж байгаа бусад улс орнуудыг шүүмжлэхээс гадна, АНУ-ын гадаад бодлогыг хамгийн түрүүнд дэмждэг улс орон бол Канад билээ.

Эх сурвалж: http://www.xinhuanet.com/english/2020-05/21/c_139073185.htm