Мөнгөн дэвсгэрт нь халдварт өвчнийг онцгой тараагч юм гэж Оросын хэрэглэгчдийн эрхийг хамгаалах албанаас мэдээлжээ.

Томууны вирус цаасан мөнгөнд хоёр долоо хоног хүртэл хугацаагаар хадгалагддаг бөгөөд мөнгөний машинаас мөнгө авах юмуу цалин авахад халдвар авч болно гэдгийг шинжээчид тодруулан тайлбарласан байна. Зарим оронд халдварын эсрэг үйлчлэл бүхий цаасаар мөнгөн дэвсгэрт хийдгийг тэд ярьжээ.  Гэхдээ чухамхүү ямар  оронд ийм технологи хэрэглэдэгийг тодруулж тайлбарлаагүй байна.

Томууны талаар зарим төөрөгдөл байдгийг  хэрэглэгчдийн эрхийг хамгаалах  газар бас тайлбарлажээ. Тухайлбал, энэ өвчний үед өндөр халуурдаг бөгөөд томуу туссан бол ханиад шуухинаа гэж байдаггүй байна.

Хэрвээ биеийн температур 39 градусаас давсан бол, халуун буулгах эм хэрэглэхийг мэргэжилтнүүд зөвлөжээ. Учир нь, “биеийн хэвийн юмуу бага зэргийн халуун нь вирусийн хувьд  диваажин” л гэсэн үг гэнэ.  Өөрийгөө дур мэдэн эмчлэхгүй байх, антибиотик хэрэглэхгүй байхыг бас зөвлөж байна, учир нь  антибиотик нь  бактерийн эсрэг үйлчлэлтэй, харин вирусийн өвчний үед нэмэргүй аж. 

Румын лей хамгийн бохир мөнгө болсныг есдүгээр сард мэдээлж байжээ. Мөн энэ  бактери нь америк, канадын доллар, энэтхэгийн рупид зөндөө байдаг байна.