Гурван өдрийн турш ширүүн бороо орсон Японы баруун өмнөд хэсэгт орших Кюшю арал дээр 60 орчим хүн амиа алдаж, 16 хүн сураггүй болсонд тооцогдож байна гэж мужийн аврах алба мэдээлжээ.

 

Байгалийн гамшигт амиа алдсан хүмүүс бараг бүгд үер, хөрсний гулгалтад өртсөн байна. Одоогийн байдлаар хүчтэй аадар бороо Японы гол Хоншю арлын Нагано, Гифу мужууд руу шилжжээ. Эдгээр мужуудад үер, уулын нуралт үүсэх аюулын улмаас 54 мянга гаруй хүнд нүүхийг зөвлөсөн байна.

 

Орон нутгийн аврагчдад туслуулахаар 20 мянга орчим цэргийн албан хаагчийг гамшгийн бүс рүү илгээжээ.