БНСУ-ын Сөүл хотын захирагч Пак Вон Сун сураггүй алга болоод хэдхэн өдрийн дараа ийнхүү амиа алдсан байдалтай олдсон талаар ёнхап агентлаг мэдээллээ. Түүний охин эцгийгээ алга болсон тухай цагдаа нарт мэдээлсэн бөгөөд өчигдөр эрлийн ажил явагдаж ийнхүү Бугаксан уулын ойролцоо цогцсыг олсон байна. Ямар учир шалтгаантай түүний амийг хэн хөнөөсөн талаар нарийн мөрдлөгө явагдаж байгаа бөгөөд олон улсын хэвлэл мэдээллийн сайт, агентлагуудын анхааралд орлоо. Түүнийг алга болсон тухай мэдээлэл цацагдахаас цагийн өмнө эмэгтэй ажилтан нь  цагдаагийн газарт хүчирхийлүүлсэн тухай дуудлага өгсөн аж. Хотын даргын хайх ажиллагаан 700 гаруй цагдаагийн ажилтнууд эрлийн үйл ажиллагаанд нэгджээ. Хүний эрхийн хуульч хийж байсан Сөүл хотын захирагч амиа алдсан нь ямар шалтгаан байсан талаар албан ёсны мэдээлэл байхгүй ч удахгүй мэдээлэл тодорхой болох аж. Либерал ардчилсан намын гишүүн асан түүний хувьд 2022 оны ерөнхийлөгчийн сонгуульд хүчтэй өрсөлдөх нэгэн байв. 

Эх сурвалж. Ёнхап агентлаг