Бямба, 2024-11-23
NASA шинэ жорлонгоо туршихаар дэлхийн тойрог зам руу илгээжээ

АНУ-ын сансар судлалын агентлаг $23 саяар бүтсэн титан хийцтэй жорлонг туршуулахаар өчигдөр дэлхийгээс хөөргөсөн пуужинд дайж, дэлхийн тойрог зам руу илгээжээ.
 
Уг жорлонг тойрог зам дахь Олон Улсын Сансрын Станц (ОУСС)-ад хэдэн сарын турш байрлуулж, турших ба амжилттай болвол саран дээр хүн буулгах аялалд ашиглах юм байна.
 
Одоо ОУСС-д олон жилийн өмнө Оросуудын хийсэн хоёр жорлонг ашигладаг. 45 кг жинтэй, 71 см өндөр шинэ жорлон нь тэдгээрээс бараг хоёр дахин бага хэмжээтэй ажээ.
 
ОУСС-ын хуучин жорлон нь үндсэндээ эрчүүдэд зориулагдсан тул эмэгтэй хүн хэрэглэхэд тохиромж муутай байдаг. Шинэ жорлонг бүтээхдээ энэ дутагдлыг арилгаж, эмэгтэйчүүдэд илүү тухтай болгожээ.
 
Өмнөх жорлонгийн нэгэн адил ялгадсыг соруулах технологийг ашигласан байна. Тойрог замд татах хүч байхгүй тул дэлхий дээрх жорлон шиг усаар урсгах боломжгүй байдаг.
 
Сорж, цуглуулсан ялгадсыг NASA-гийн бүтээсэн дахин боловсруулах машинд оруулж, ундны ус гаргадаг юм байна.
 
 
 
Эх сурвалж: Associated Press
 
 

NASA шинэ жорлонгоо туршихаар дэлхийн тойрог зам руу илгээжээ
2020-10-02 10:51:54
Тухайн мэдээлэлд өгөх таны хариулт?
  • 0
  • 0
  • 0
  • 0
  • 0
  • 0
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд moment.mn хариуцлага хүлээхгүй.

Нийт сэтгэгдэл: 0
Шинэ мэдээ
Медиа & PR Агентлаг
800-33-333,     info@face.mn
2024 © Зохиогчийн эрх хуулиар хамгаалагдсан
Facebook Chat Widget by www.face.mn