ӨМӨЗО-ны Эрээн хотын Шинэ коронавирусийн халдвараас урьдчилан сэргийлэх, тэмцэх штаб лхагва гаригт цар тахлын улмаас тус хотод тогтоогоод байсан хатуу хөл хориг цуцлах шийдвэр гаргасан байна.  

Тухайлбал, орон нутгийн холбогдох албан тушаалтны мэдээлснээр “COVID-19”-ийн халдварын тархалтаас урьдчилан сэргийлэх, таслан зогсоох зорилгоор Эрээн хотод хатуу хөл хорио тогтоогоод байсан зургаан бүс болон хязгаарлалт тогтоосон 84 бүсэд хөл хориог цуцалжээ.

Гэхдээ Эрээн-Замын-Үүд боомтын үйл ажиллагааг хэзээ сэргээх талаар тодорхой мэдээлэл одоогоор байхгүй байгаа юм.

Эрээн хотод өнгөрөгч аравдугаар сарын 14-нд хөл хорио тогтоосон. Улмаар Монгол Улстай хиллэдэг тус бүс нутагт өнгөрсөн нэг сар орчмын хугацаанд “COVID-19”-ийн халдвар авсан 20 орчим тохиолдол бүртгэгдсэн юм. Хамгийн сүүлд тус хотод энэ сарын 7-ны өдөр халдварын шинэ тохиолдол илэрсэн бөгөөд одоогоор халдвар авсан таван өвчтөн эмнэлэгт хэвтэн эмчлүүлж байгаа аж.

Эх сурвалж: http://www.nmgcb.com.cn/erlianhaote/r-242740.html