“Тусгай үйлчилгээ”-тэй саунаар үйлчлүүлээд гарахдаа нэгэн эрхэм тооцооны баримт нэхэж бөөн хэрүүл дэгдээсний улмаас цагдаагийн ажилтнууд ирж зохицуулсан хэрэг явдал ХБНГУ-д гарчээ.

2020 оны нэгдүгээр сарын 1-нээс Герман Улсад зарсан бараа, үйлчилгээ бүрт заавал тооцооны баримт өгөх ёстой гэсэн хууль хэрэгжиж эхэлж байгаа гэнэ. Саунаар үйлчлүүлээд санхүүгийн баримт нэхэхэд нь хамгаалагч нар “амбаардан” гаргасанд ундууцсан шазруун эр цагдаа дуудаж байж хүссэндээ хүрсэн аж.

Сайн эр яг ямар үйлчилгээ авчихаад баримт нэхсэн тухай хууль сахиулагчид сэтгүүлчдэд ам алдаагүй ч тухайн газарт энэ дэлхийн хамгийн эртний мэргэжил гэх “өргөмжлөлтэй” ажил эрхлэгч бүсгүйчүүд тусгай үйлчилгээ үзүүлдэг гэнэ.