Экпортын асуудлаар Япон улстай хийх яриа хэлэлцээний явцаас хамааран GSOMIA буюу цэргийн мэдээллийг солилцох тухай гэрээнээс гарах үйл явцыг үргэлжлүүлж магадгүй байна хэмээн БНСУ-ын Гадаад хэргийн яам парламентад тавьсан илтгэлдээ дурджээ.

“Экспортын хязгаарлалтыг цуцлах, албадан хөдөлмөр эрхлүүлэх асуудлаар хийх яриа хэлэлцээнээс хамааран GSOMIA хэлэлцээрийн хэрэгжилтийг зогсоох тухай мэдэгдлийн талаарх асуудлыг хянаж үзнэ” хэмээн илтгэлд дурдсан байна.

БНСУ-д авсан экспортын хязгаарлалтыг хэсэгчлэн сулруулахыг Японы Эдийн засаг, худалдаа, аж үйлдвэрийн яам өнгөрсөн 12 дугаар сард дэмжсэн юм.

"Худалдааны байгууллага, дипломат шугамаар яриа хэлэлцээ хийх замаар экспортод тавьсан хязгаарлалтыг бүрэн цуцлахыг Засгийн газар Япон улсад уриалсаар байх болно” хэмээн Гадаад хэргийн яамны илтгэлд мөн дурджээ.