Нью-Йорк хотноо олон давхар машины авто зогсоол нурсны улмаас нэг хүн амиа алдаж, таван хүн бэртэж гэмтсэн байна.

Манхэттений санхүүгийн дүүрэгт 16 цагт гурван давхар зогсоолын хоёрдугаар давхар эхлээд нурсан талаар CBS мэдээлжээ. Тус барилгад ажиллаж байсан бүх ажилчдыг гаргасан гэж албаныхан мэдэгдэв.

Нью-Йорк хотын гал хамгаалах газрын дарга Жон Эспосито аврах ажиллагаа маш хүнд нөхцөлд явагдаж байна гэжээ. Тэрээр “Манай гал сөнөөгчид барилга дотор талд эрэн хайх ажиллагаа явуулж байна. Гэтэл одоо хүртэл нэмж нурсаар байна. Тэнд ажиллаж байсан хүмүүсийн тоог гаргасан, бүгдийг нь барилгаас нүүлгэн шилжүүлсэн” гэжээ.

Хотын захирагч аврах ажиллагаанд шинэ технологи ашиглаж байгаа талаар мэдээлжээ. Тэрээр “Бурхны авралаар бидэнд барилга руу орох чадвартай робот нохой байна” гэсэн байна. Робот нохой нь барилга дотор эрэн хайх ажиллагаа явуулж, бичлэг илгээдэг юм байна.

Одоогоор ослын шалтгаан тодорхойгүй байгаа бөгөөд зэргэлдээ орших барилгуудыг мөн нурах аюултай эсэхийг шалгаж байгаа талаар албаны хүмүүс мэдээлжээ.

Эх сурвалж: ВВС